Локален фокус

Крстилницата од епископската базилика од Стоби си ја врати автентичноста. Заврши проектот за конзервација и реставрација. Овој уникатен споменик од ранохристијанско време е поддржан од Амбасадорскиот фонд на Соединетите Американски Држави со 89.000 долари.

Од 2001-ва преку Амбасадорскиот фонд се поддржани 13 проекти, меѓу кои реставрација на црквата „Свети Спас“, заштита и измени на Турската бања во Тетово, конзервација на фасадата на Шарената џамија. Амбасадорот Бејли најави дека САД и натаму ќе продолжат да го ценат националното културно наследство на Македонија.

Заштитата и презентацијата на крстилницата беше меѓу врвните приоритети на националната установа „Стоби“ уште од 2013-та година, кога беше изготвен првиот проект за конзервација на мозаикот во крстилницата.

26.10.2018 година (петок) со почеток 19:00 часот во кино сала -Проекција на филмот „ВИКТОРИА“ – влез:слободен

Прекрасна вечер исполнета со поезијата на животот. Промоција на книгата „Есенските дождови ги сакам“ од Весела Димова.

По повод СВЕТСКИОТ ДЕН НА МАЈЧИНИОТ ЈАЗИК 21 февруари, на ден 21.02.2018 год.(среда) , во Градската библиотека се одржа промоција на книгата „СОВРШЕНИОТ СТРАНЕЦ“ од нашата сограѓанка ИВАНА НАСКОВА.

Костов ќе изведе две сонати за виолина од Антонио Вивалди, Етида во форма на валс од Камиј Сен-Санс и Соната за виолина и пијано од Рихард Штраус.Виолинистот Владимир Костов, концерт-мајстор на Македонската филхармонија, вечер во камерната сала на Филхармонијата ќе одржи рецитал во придружба на пијанистката Марија Ѓошевска.

Костов ќе изведе две сонати за виолина од Антонио Вивалди, Етида во форма на валс од Камиј Сен-Санс и Соната за виолина и пијано од Рихард Штраус.

Македонската филхармонија со рециталот на пијанистката Марија Ѓошевска на 20 ноември активно ја почна програмската шема во малата камерна сала.

На концертот ќе му претходи кус ретроспективен осврт на историјатот на Македонската филхармонија на музикологот Марко Коловски, а ќе биде најавена и скорешната изложба на фотографии „Маестро“, посветена на најзначајните диригенти на Македонската филхармонија.Македонската филхармонија утре ќе одбележи 73 години од постоењето. По овој повод го најавува концертот „Среќен ти роденден!“ на чија програма се Прелудиум за оркестар бр. 2 од македонскиот композитор Панде Шахов, виртуозниот Концерт за виолина и оркестар бр. 1 од Карл Голдмарк на кој како солист ќе настапи македонскиот истакнат виолинист Љубиша Кировски, како и атрактивната симфониска поема „Американец во Париз“ од Џорџ Гершвин.

На концертот ќе му претходи кус ретроспективен осврт на историјатот на Македонската филхармонија на музикологот Марко Коловски, а ќе биде најавена и скорешната изложба на фотографии „Маестро“, посветена на најзначајните диригенти на Македонската филхармонија. Спонзор на првата едиција „Маестро“ е „Арс Ламина“.

Во галеријата Кос во Љубљана беше отворена самостојна изложба на македонскиот академски сликар Мирослав Масин. Ќе бидат изложени дела од циклусот „Enchantè“ работени последниве четири години. „Enchantè“ претставува сублимат на поранешните циклуси на Масин.

Во организација на Младинскиот културен центар – Скопје, а со поддршка на Министерството за култура, ќе се одржи втора самостојна изложба на Мирослав Масин во Љубљана, во реномираната галерија Кос, Штефанова 5.

„Со изложбата „Enchantè“ на академскиот сликар Мирослав Масин во галеријата Кос во Љубљана, имаме можност уште еднаш да се запознаеме со делата на овој редок сликар со изразита креативна енергија. Неговото сликарство преставува магична лирска експресија во којашто најчесто централно место зазема женскиот елемент без разлика за кој циклус од неговото творештво говориме.Оние што го познаваат творештвото на Мирослав Масин знаат дека тој не е само одличен сликар зад кој се педесетина самостојни изложби во повеќе светски центри на уметноста, туку и автор на повеќе перформанси, инсталации, илустратор на повеќе поетски збирки и сценографии.

Се работи за автор со надарена уметничка природа, за зрело уметничко име кај кое делата пулсираат во ритамот на музиката и се во тесна врска со колоритот. Toa e творештво oд кое блика жива творечка енергија“.

Отворањето е на 20 ноември 2017 во 19 часот. Ќе бидат изложени дела од циклусот „Enchantè“ работени последниве четири години. Изложбата ќе биде отворена до 3 декември.

Одборот за доделување на државната награда „Св.Климент Охридски“, согласно Законот за државните награди, Законот за изменување и дополнување на законот за државните награди („Службен весник на Р.М.“ бр.52/06,54/07 и 74/12) и Правилникот за работа на Одборот, на својата седница, одржана на 7.11.2017 година донесе Одлука за доделување на државната награда „Св.Климент Охридски“ во 2017 година за највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонијa.
Во областа на воспитанието и образованието наградата им се доделува на:

– проф д-р Венко Андоновски; професор и писател
– проф. д-р Наим Алими; историчар
Во областа на културата и уметноста наградата им се доделува на:

– Гарабет Тавитјан; музички уметник
– проф. д-р Јордан Плевнеш; писател
– Илинденка Петрушева; филмолог
Оваa одлука влегува во сила од денот на донесувањето и ќе се објави во „Службен весник на РМ“.

Наградата на добитниците ќе биде врачена на 8 декември 2017 година (петок ) во 13 часот, во свечената сала на Собранието на Република Македонија.

Одлуката е потпишана од Претседател на одборот за државната награда „Св. Климент Охридски“, академик Владо Камбовски.

Биљана Стојановска, поетеса, есеист, критичар и книжевен преведувач, ја доби наградата „Тодор Чаловски“, која Здружението за литература, култура и уметност „Галикул“ ја доделува на млад автор од Македонија во областа на поезијата, книжевната критика, есеистиката и креативните прозни форми.

Наградата, која се доделува трет пат и е востановена во сеќавање на писателот Тодор Чаловски (1945-2015), се состои во објавување книга на наградениот автор во 2018 година, резидентен престој во Галичник и авторски хонорар за изданието.

Информацијата за наградата била соопштена на 23. Галичка книжевна колонија која годинва се одржа на 11-ти и 12 ноември и на која покрај наградената Стојановска учествувале уште тројца претставници на новата генерација македонски поети (Снежана Стојчевска, Ѓоко Здравески и Д.А. Лори / Долорес Атанасова-Лори).

Биљана Стојановска (Скопје, 1984) дипломирала македонска книжевност и јужнословенски книжевности на Филолошкиот факултет „Блаже Конески“. Во 2015 година ја објавила првата збирка поезија „Зборовите немаат значење“. Нејзини песни се објавувани во антологии и списанија за литература. Член е на независната поетска трупа „Астални проекции“ и има учествувано на фестивалот Струшки вечери на поезијата. Работи како новинар во дневниот весник „Нова Македонија“.

Претходни добитници на наградата „Тодор Чаловски“ се младите поети Марта Марковска и Иван Антоновски. Наградата „Тодор Чаловски“ за 2017 е поддржана со донација од Комерцијална банка а.д. Скопје.

На 19 декември со почеток во 20 часот Кинотеката на Македонија се придружува во одбележувањето на 125 годишнината од раѓањето и 75 годишнината од смртта на писателот и уметник Бруно Шулц со проекција на документарниот филм БАРАЈЌИ ГИ СЛИКИТЕ (Finding Pictures) на режисерот Бенјамин Гајслер чија тема е Бруно Шулц, полски писател, уметник, литературен критичар и професор по уметност со еврејско потекло.Шулц е роден во 1892 година во Дрохобиц, мал град во тогашна Австро-Унгарија, живеел во Полска, а стрелан на улица во гетото од офицер на Гестапо на 19 ноември 1942. Се смета за еден од најголемите прозаисти на полски јазик. Меѓу неговите најпознати дела се кратките раскази собрани во делата „Продавниците со боја на цимет“ и романот „Санаториум во знакот на клепсидрата“. Според „Санаториум во знакот на клепсидрата“, во 1973 година, режисерот Војчек Хас го снима истоимениот филм кој ја добива наградата од жирито на Канскиот филмски фестивал. Се смета за еден од најголемите прозни стилисти на полскиот јазик на дваесеттиот век. Во 1938 година бил награден со Златниот лаворов венец на Полската академија за литература. Многу од неговите дела биле изгубени во холокаустот (ракописи и слики), меѓу кои кратки раскази од раните 1940-ти и неговиот последен, недовршен роман – „Месијата“ кој сè уште се смета за загубено дело. Преведен е на повеќе од 39 јазици ширум светот и покрај другото е мошне влијателен во современата театарска уметност. Непосредно пред неговата смрт, со цел да ја избегне депортацијата на Евреите, Бруно Шулц сликал мурали за СС-офицерот Феликс Ландау.Во мај 2001 година, претставници на Меморијалниот музеј за холокаустот „Јад Вашем“ во Ерусалим, Израел ги одзеле парчињата од муралите во Украина и притоа иницирале меѓународен скандал. БАРАЈЌИ ГИ СЛИКИТЕ ја документира потрагата, пронаоѓањето и неочекуваното исчезнување на муралите на Бруно Шулц и кој ја составува приказната за еден од најконтроверзните музејски присвојувања во последниве години. „Јад Вашем“ тврдат дека морална обврска е да се зачуваат уметничките дела, додека пак украинските и полските власти велат дека одземањето на муралите е криминал. Но што велат Евреите од Дрохобиц? Филмот овозможува гледачот да го следи режисерот низ прецизно составениот мозаик од познатите и необјавени сведоштва за Бруно Шулц и неговите последни денови. БАРАЈЌИ ГИ СЛИКИТЕ ги претставува преживеаните од холокаустот кои го познавале Шулц и го поврзува денешниот свет со поетските и застрашувачки визии опишани во делата на Бруно Шулц.

На 10.11.2017 год.(петок) – Салон : Библиотека – 13:00 часот – ПРОМОЦИЈА НА КНИГИ ОД НАТАЛИ СПАСОВА ….ПОВЕЛЕТЕ…